वाई वि जिएम का २ गजल
गजल
१.
संघर्षका कथा बुवा का पैतलामा छन
ठेला उठेका आमाका हत्केलामा छ्न
यो दुनियाँमा आमा हजुरले छोडे देखि
बियोगका आशुहरु यी आखामा छन
यो दिलको बगैचाबाट सरेर गएका हरु
आज सोध्न मन छ कुन गमलामा छ्न
समृद्ध देशको विकास अनि परिवर्तन
हेर्नुहोस केवल कागज र घोषणामा छन
कालापानी सुस्ता अनि सिमानाहरुमा
हेर सरकार जनाता कति बाध्यतामा छन
२.
बिदाईका हात हल्लाए बाले आगन बाट
मैले तप्प आँसु खसाले दुइ नयन बाट
जब म अरब को जहाज मा चड्दै थिए
रोएको आवाज आयो प्यारिको वदन बाट
भाउजू को हासो खुसी सब थोक हरायो
कफनमा लास आयो दाजुको पल्टन बाट
आफन्त बाट नै बाच्न मुस्किल भयो यहाँ
बरु बाच्न सजिलो भै दियो दुश्मन बाट
एउटा कुरा यो बुझिराख्नु होस महोदय
बिचार कहाँ निस्तेज हुन्छन दमन बाट
वाई वि जिएम
कुमाख गाउँपालिका ५ सल्यान
वाई वि जिएमको कविता : तिम्रो पहिलो प्रेम
रोशन परियारको कविता : ” म स्वास्नी “
#गजल #नयाँ दृष्टि साहित्य
प्रतिकृया दिनुहोस्