दाङमा यातायात मजदुर र व्यवसायी बिच ६ बुंदे सहमति, अनिश्चितकालीन बन्द फिर्ता
चैत १७ तुल्सीपुर । दाङमा यातायात मजदुर र व्यवसायी बिच ६ बुंदे सहमति भएको छ । सहमति भए सँगै दाङका यातायात मजदुर संगठनले आह्वान गरेको अनिश्चितकालिन बन्द फिर्ता भएको छ ।
यातायात मजदुर, यातायात व्यवसायी र स्थानीय प्रशासनबीच बैठक बसी मंगलबार एक बजेदेखि बन्द फिर्ता भएको हो । यातायात मजदुर, यातायात व्यवसायी बिच ६ बुंदे लिखित सहमति गरी बन्द खुलेको हो । प्रमुख जिल्ला अधिकारी दीर्घनारायण पौडेलको अध्यक्षतामा बैठक बसको थियो ।
यस्तो छ, यातायात मजदुर, यातायात व्यवसायी बिच भएको ६ बुंदे लिखित सहमति
यातायात मजदुरहरुको तलब भत्ता नियमित रुपमा उपलब्ध गराउन यातायात व्यवसायीहरुको मञ्जुरी रहेको ।
सबै यातायात व्यवसायीहरुले सामाजिक सुरक्षा कोष ऐन २०७४ कार्यान्वयन गर्न समहती ।
नेपाल सरकार, नेपाल यातायात महासंघ र तीन वटै मजदुर ट्रेड यूनियन बिच भएको संयूक्त बैठकले गरेको निर्णय कार्यान्वयनमा सहयोग गर्ने ।
कोभिड –१९ को भ्याक्सीन यातायात मजदुरहरुलाई लगाउन प्राथमिकतामा राख्ने ।
यातायातका क्षेत्रमा देखिएका समस्याहरु समाधान गर्न तपशिल बमोजिमको समिती गठन गर्ने र समितीले १ दिन भित्र सुझाब सहित प्रतिवेदन पेश गर्ने सहमति भएको छ । 
प्रतिकृया दिनुहोस्