May 26, 2024, Sunday
२०८१ जेष्ठ १३, आईतवार
सवारी दुर्घटनामा मृत्यु भएका वलीको न्यायको माग गर्दै राप्ती राजमार्ग बन्द

सवारी दुर्घटनामा मृत्यु भएका वलीको न्यायको माग गर्दै राप्ती राजमार्ग बन्द

 

फागुन २७ , सल्यान । सवारी दुर्घटनामा ज्यान गुमाएका सल्यान छत्रेश्वरी गाउँपालिका ३ पालेखोलाका अजय वलीको न्यागको माग गर्दै राप्ती राजमार्ग अन्तर्गत दाङ सल्यान सडक खण्ड बन्द गरिएको छ ।

बिहिवार त्रिबेणि गाउँपालिका ६ शंखमुलमा श्रीनगर देखी सल्यान काभ्रा तर्फ जादै गरेको लु २ ख. १२२२ नम्बरको बसले बिपरित दिशाबाट आउदै गरेको रा.५ प. ३०४८ नम्बरको मोटरसाइकललाई ठक्कर दिदा मोटरसाइकल चालक १९ बर्षीय अजय वलीको मृत्यु भएको थियो ।

घटना भएका दिनको वास्तविक मुचुल्का परिबर्तन गरिएको र वास्तविक मुचुल्काको माग गर्दै आन्दोलनमा उत्रिएको बन्दकर्ताहरु बताउँछन् । उनिहरुले  यसप्रति यस घटनाप्रति प्रशासन र यातायात समितिले कुनै पनि चासो नदेखाएपछि आन्दोलन र बन्द गर्न बाध्य भएको बताएका छन ।

बन्दकर्ताहरुले सनिवार बिहान ९ बजे देखि सडकमा टायर बालेर  सवारी साधन ठप्प पारेका हुन । राजमार्ग बन्द हुदा सल्यान तथा रुकुमबाट दाङ जाने आउने सवारी साधन अहिले सडकमै राेकिएका छन् ।

उता प्रहरीले भने घटनाकाे मुचुल्का कुनै ताेडमाेड नगरिएकाे र त्यस्ताे गर्न सम्भव पनि नहुने बताएकाे छ । अहिले घटनास्थलमा जान लागेकाे र पिडितहरुकाे कुरा बुझ्न लागेकाे प्रहरीले जनाएकाे छ ।

भर्खरै प्रकाशित

ट्रेन्डिङ न्युज