June 24, 2024, Monday
२०८१ असार ११, सोमबार
भेरी नदिमा भेटिएको शवको पहिचान

भेरी नदिमा भेटिएको शवको पहिचान

पुष ९ , सल्यान ।

सल्यानको बनगाड कुपिण्डे नगरपालिका – २ कालाभिर नजिकै भेरी नदीमा भेटिएको शवको पहिचान भएको छ ।

शव जाजरकोट जिल्लाको भेरी नगरपालिका – ३ का अन्दाजी २६ वर्षीय विक्रान्त केसीको रहेको जिल्ला प्रहरी कार्यालय सल्यानले जनाएको छ ।

केसी गत कार्तिक ८ गते देखी हराइरहेका थिए । उनको शव शुक्रबार बेलुकी करिब ५ बजेको समयमा भेरी नदीमा तैरिरहेको अवस्थामा भेटिएको थियो ।

भेरी नदीमा तैरिरहेको अवस्थामा स्थानीयले शव देखेपछि प्रहरीलाई खबर गरेका थिए ।

खोजतलास गर्ने क्रममा केसीको सनाखत भएको जिल्ला प्रहरी कार्यालय सल्यानका सूचना अधिकारी प्रहरी निरीक्षक गोपालप्रसाद श्रेष्ठले बताए ।

जाजरकोटमा उनका परिवारले विक्रान्तको शव नभेटिएपछि कुसको शव बनाएर दाहसंस्कार गरेका थिए ।

यो पढ्नुहोस ।

सल्यानमा नदिमा तैरिरहेको अवस्थामा एक पुरुषको शव फेला

भर्खरै प्रकाशित

ट्रेन्डिङ न्युज