भेरी नदिमा सल्यानकी एक महिलाको शव फेला : एक बालिका बेपत्ता
-
नयाँ दृष्टि
- २०७९ जेष्ठ १७
जेठ १७, सल्यान।
भेरी नदी किनारमा एक महिलाको शव फेला परेको छ।
सल्यान बनगाड कुपिण्डे नगरपालिका ३ पोखराकी अन्दाजी ४० वर्षकी पार्वती कामीको शव सुर्खेत सिम्ता गाउँपालिका ६ राकम स्थित भेरी नदीमा फेला परेको हो।
भेरी नदिमै पौडी खेल्न गएकी एक बालिका बेपत्ता भएकि र उनको खोजी कार्य गर्ने क्रममा उनको शव फेला परेको हो।
बनगाड कुपिण्डे नगरपालिका ३ काराकी अन्दाजी १४ वर्षीया गीता वि.क धान कुटन मिलमा गएको बेला मंगलबार दिउँसाे ४ बजेको समयमा पाैडी खेल्दा भेरी नदिमा बेपत्ता भएकी थिइन।
खोजी कार्य गर्ने क्रममै पार्वतीको शव नदिको किनारमा फेला परेको हो। उनका श्रीमान ३ बर्ष पहिले मृगौला क्यान्सरका कारण मृत्यु भए पश्यात मानसिक समस्या रहेको र केही दिन अघि मात्र घर देखि हराएको स्थानीय बताउछन् ।
उता बेपत्ता भएकी गिताको भने खोजी कार्य भइरहेको जिल्ला प्रहरी कार्यालय सल्यानले जनाएको छ।
लेखकको सम्वन्धमा