ठेकेदारका छोराको दादागिरी : अनुगमनमा गएका सिद्धकुमाख गाउँपालिकाका इन्जिनियर माथी कुटपिट
पुष ३, सल्यान ।
सल्यानको सिद्धकुमाख गाउँपालिकाका इन्जिनियर विवेकमान बस्नेत माथि कुटपिट तथा दुर्व्यवहार भएको छ ।
गाउँपालिकाको वडा नं २ को निर्माणाधीन वडा कार्यालय भवनको अनुगमन गर्न गएका बेला शनिबार ४:३० बजेको समयमा ठेकेदार डम्बर तिरुवाको छोरा संजय कुमार तिरुवाले बस्नेतलाई कुटपिट तथा दुर्व्यवहार गरेका हुन ।
ढलानको क्रममा मापदण्ड विपरीत काम भैरहेको बेला त्यसो नगर्न भनेपछि इन्जिनियर बस्नेतलाई ठेकेदारका छोराले कुटपिट गरेको सिद्धकुमाख गाउँपालिकाले बताएको छ ।
विगतमा पनि राष्ट्रसेवक कर्मचारी माथी यस्तै व्यवहार भएकाले शान्तिपूर्ण रुपमा काम गर्ने वातावरण बनाउन र दोषीलाई सजाय नहुदासम्म गाउँपालिकाका सबै सेवा स्थगित गरिएको प्रमुख प्रशासकीय अधिकृत मार्शल कुमार वलीले हस्ताक्षर गरेको बिज्ञप्तिमा बताइएको छ ।
प्रतिकृया दिनुहोस्