मतदान गर्न भारतबाट फर्कदै गरेका ब्यक्ति मृत फेला
-
नयाँ दृष्टि
- २०७९ मंसिर ३
मंसिर ३, धनगढी ।
डोटीमा एक पुरुष मृत अवस्थामा फेला परेका छन् ।
जिल्लाको जोरायल गाउँपालिका ३ अन्दाजी ६० वर्षीय हिरालाल ओली शनिबार बिहान मृत फेला परेका हुन्।
जिल्ला प्रहरी कार्यालय डोटीका डीएसपी भोला भट्टका अनुसार उनी जोरायल गाउँपालिका ३ चन्कट्टे नजिकैको बाटोमा मृत भेटिएका हुन् । भारतको सिमलामा काम गर्दै आएका उनी संसदीय निर्वाचनमा मतदान गर्न घर फर्किरहेका थिए ।
उनको साथमा झोलासहितको प्लास्टिकको बोरा र नजिकै मदिराको बोतल पनि भेटिएको छ । अत्यधिक मदिरा सेवनका कारण राति नै उनको मृत्यु भएको हुनसक्ने प्रहरीको अनुमान छ ।
#मृत #मतदान
लेखकको सम्वन्धमा