सल्यानमा पहिरोले पुरिएर एक बालकको मृत्यु
असोज २२, सल्यान ।
सल्यानमा पहिरोमा परेर एक बालकको मृत्यु भएको छ ।
जिल्लाको शारदा नगरपालिका वडा नम्बर ८ मार्के ओर गाउँ निवासी १२ वर्षिय अजय बिकको पहिरोमा परी ज्यान गएको हो ।
उनी शुक्रबार साझ ७ बजेको समयमा नजिकै रहेको नाउला बजार तर्फ जाने बाटोमा हिड्ने क्रममा सडक माथिबाट आएको पहिरोले पुरिन गइ बेपत्ता भएका थिए ।
उनको खोजी कार्यकोलागि शनिबार बिहान ७ः४५ बजेको समयमा नेपाली सेनाको टोलि खटिएको थियो । टोलिले उनको लाश घटनास्थलबाट १०० मिटर तल फेला पारेको थियो ।
शवलाई पोस्टमार्टमका लागि अहिले जिल्ला अस्पताल लगिएको जिल्ला प्रहरी कार्यालय सल्यानले बताएको छ ।
- तस्वीर : योगराज बिश्वकर्मा
प्रतिकृया दिनुहोस्