सल्यानको शारदा नगरपालिका द्वारा “नागरिकता सिफारिस शुल्क” खारेज

नयाँ दृष्टि
२०७९ जेष्ठ ३१

जेठ ३१, सल्यान। सल्यानको शारदा नगरपालिकाले नागरिकता सिफारिसमा लिदै आएकाे कर खारेज गरेको छ । असार १ गते देखि लागू हुने गरि नागरिकता सिफारिसकाे लागि लिदै आएकाे शुल्क नलिने नगरपालिकाले जनाएको छ ।

नगरपालिकाकाे साेमबार बसेकाे बैठकले १५ वटै वडालाई शुल्क नलिन परिपत्र गरेकाे छ। नयाँ जनप्रतिनिधि निर्वाचित भएसँगै नगरपालिकाले वडा कार्यालयबाटै सामाजिक सुरक्षा भत्ता वितरण समेत सुरु गरेको छ ।