सल्यानमा चुनावी प्रचार प्रसारका क्रममा सवारी दुर्घटनामा परि एक जनाको मृत्यु
-
नयाँ दृष्टि
- २०७९ बैशाख २५
बैशाख २५, सल्यान।
सल्यानमा नेपाली कांग्रेस पार्टीको प्रचारप्रसारमा हिँडेका एक युवकको गाडीको छतबाट खसेर मृत्यु भएको छ।
जिल्लाको कालीमाटी गाउँपालिका २ दानिगौरा निवासी १८ वर्षीय खुमराज थापा मगरको गाडीको छतबाट खसेर मृत्यु भएको हो ।
कांग्रेसबाट कालीमाटी गाउँपालिका २ को वडाध्यक्षका उम्मेदवार सवार लु१ज ४५९९ नम्बरको जिपको छतबाट खसेका थापाको टाउको गम्भीर चोट लागेको र उपचारका लागि तुलसीपुरमा लगिएकोमा उपचारकै क्रममा मृत्यु भएको प्रहरीले जनाएको छ ।
गाडी चालक दाङ जिल्ला बबई गाउँपालिका २ का खुमबहादुर छन्तेललाई पक्राउ गरेर अनुसन्धान थालिएको प्रहरीले जनाएको छ ।
लेखकको सम्वन्धमा