सल्यानको कपुरकोट गाउँपालिकाद्वारा भैंसी पालक किसानलाई तालिम

नयाँ दृष्टि
२०७८ चैत्र २८

२९ चैत , सल्यान।
सल्यानको कपुरकोट गाउँपालिकाले भैंसीपालक किसानहरुका लागि एक दिने तालिम सम्पन्न गरेको छ । तालिमको गाउँपालिका अध्यक्ष भिम बहादुर सेनले हिजो सोमबार उद्घाटन गरेका थिए।

साझेदारीमा आधारित एक स्थानीय तह एक पशु बस्तु उत्पादन कार्यक्रम अन्तर्गत कपुरकोट गाउँपालिका र पशु अस्पताल तथा पशु सेवा कार्यालय सल्यानको आर्थिक सहयोगमा प्रगतिशील कपुरकोट भैंसी पालक पकेट संचालक समितीको आयोजनामा एक दिने व्यवशायिक भैंसी पालन तालिम संचालन गरेको हो ।

कार्यक्रमका प्रमुख अतिथि गाउँपाकिका अध्यक्ष भिम बहादुर सेन र विशिष्ट अतिथि प्रमुख प्रशासकीय अधिकृत शभरत कुमार वलीले मन्तव्य राखेका थिए।