सल्यान कालिमाटीमा नेकपा(एस) त्यागेर वडाका सबै कार्यकर्ता एमालेमा फर्किए
पौष १८, सल्यान । सल्यानको कालिमाटी गाउँपालिका वडा नं १ बाट नेकपा (एकीकृत समाजवादी) तर्फ लागेका सबै नेता- कार्यकर्ताहरू नेकपा ( एमाले)मा फर्किएका छन ।
आइतबार नेकपा (एमाले) वडा नम्बर १, को आयोजनामा भएको एक कार्यक्रमका बीच उनिहरू नेकपा (एमाले)मा फर्किएका हुन ।
गाउँपालिकाको वडा नम्बर १ बाट नेकपा (एस)को गाउँकमिटीमा प्रतिनिधित्व गर्ने बालु कंवर, भुप बहादुर खत्री, हर्क बहादुर रावत र यकेन्द्र खत्रीको नेतृत्वमा वडामा सबै नेताकार्यकर्ताहरू एमालेमा फर्किएको नेकपा एमाले सल्यानका उपसचिव दानबहादुर केसीले बताए ।
कार्यक्रममा एकीकृत समाजवादी त्यागेर एमालेमा फर्किएका नेताकार्यकर्ताहरूले नेकपा (एस)को कुनै भविष्य नभएको र नेकपा (एमाले)लाई कमजोर बनाउने मात्र उक्त पार्टीको उदेश्य रहेको भन्दै आफुहरू एमालेमै फर्किएको बताएका थिए ।
नेकपा (एस) त्यागेर एमालेमा फर्किएकाहरूलाई कार्यक्रमका प्रमुख अतिथि नेकपा एमाले सल्यानका उपसचिव एवं कर्णाली प्रदेश कमिटी सदस्य दानबहादुर केसीले स्वागत गरेका थिए ।
प्रतिकृया दिनुहोस्