सल्यान कपुरकोटका २ टोलमा नेकपा (एमाले)का टोल कमिटी गठन
पौष १०, सल्यान । सल्यानको कपुरकोट गाउँपालिका वडा नं २ को ढनठाना र सिमलकुना टोलमा नेकपा (एमाले)का टोल कमिटी गठन भएको छ ।
शनिबार ढनठानामा रेशम घर्तिको अध्यक्षतामा चन्द्र बहादुर बोहोरा उपाध्यक्ष, पुर्ण बहादुर घर्ती सचिव तथा दुर्गा खत्री र लालसरी डाङ्गी उपसचिव रहेको २१ सदस्यीय टोल कमिटी गठन गरिएको हो ।
त्यस्तै कृम बहादुर घर्तीको अध्यक्षतामा सिमलकुना टोलमा वीर बहादुर शिरीष उपाध्यक्ष, मन कुमारी थापा सचिव एवं तुल्सी शिरीष र ठकराम शिरीष उपसचिव भएको २६ सदस्यीय टोल कमिटी गठन भएको हो।
टोल कमिटी गठन कार्यक्रममा नेकपा (एमाले) जिल्ला कमिटी सदस्य तथा कपुरकोट गाउपालिका सहसंयोजक ओम बहादुर बुढा र कपुरकोट गाउँपालिका कमिटीका उपसचिव इस्वर बुढाको सहभागिता रहेको पार्टीका गाउँ कमिटी सचीव रुपक बुढाले बताए ।
प्रतिकृया दिनुहोस्