बस्नेत द्वारा माओवादी केन्द्रको कर्णाली प्रदेश सह– ईञ्चार्जको जिम्मेवारी अस्वीकार
भदौ ०८, सल्यान । नेकपा (माओवादी केन्द्र) का केन्द्रिय सदस्य, सल्यान प्रतिनिधि सभा सांसद तथा पूर्व मन्त्री टेक बहादुर बस्नेतले नेकपा (माओवादी) केन्द्रको कर्णाली प्रदेश सह – ईञ्चार्जको जिम्मेवारी अस्वीकार गरेका छन ।
नेकपा माओवादी केन्द्रको स्थायी कमिटी बैठकले नेकपा माओवादी केन्द्रको कर्णाली प्रदेश ईञ्चार्जमा शक्ती बहादुर बस्नेत, सह– ईञ्चार्जहरुमा क्रमशः महेन्द्र बहादुर शाही, टेकबहादुर बस्नेत, कालिबहादुर मल्ल, अध्यक्षमा राजकुमार शर्मा र सचिवमा रामदिप आचार्यलाई तोकेपछि नेता बस्नेतले छलफल बिनानै तोकीएको जिम्मेवारी तोकीएको भन्दै अस्वीकार गरेका हुन ।
सामाजिक सञ्जाल फेसबुक बाट संक्षिप्त प्रतिक्रिया दिदै नेता बस्नेतले भनेका छन – ‘छलफल बिनाको रहस्यमय गठबन्धनको यो जिम्मेवारी मलाई अस्वीकार्य छ ।’ जिम्मेवारी दिनेहरुलाई नेता बस्नेतले रहस्यमय गठबन्धन भनेका छन ।
बस्नेतले नेकपा माओवादी केन्द्रको कर्णाली प्रदेश अध्यक्षको आकाँक्षा राखेकोमा सह – ईञ्चार्ज को जिम्मेवारी दिईएकोमा आक्रोसित बनेको स्रोतले बताएको छ ।
प्रतिकृया दिनुहोस्