समाजवादीको विभिन्न कमिटीमा रहेका १० जना नेता कार्यकर्ता एमालेमा समाहित

चैत्र १२, सल्यान ।

सल्यानको छत्रेश्वरी गाउँपालिकामा एकिकृत समाजवादीबाट १० जना नेता कार्यकर्ता नेकपा एमालेमै समाहित भएका छन् । सोमबार भोटेचौरमा आयोजित कार्यक्रममा नेकपा एमाले सल्यानका सचिव ओज बहादुर बुढाथोकीले उनीहरुलाई स्वागत गरेका हुन् ।

आफुहरु पार्टी विभाजनपछी बनेको समूहमा केही समय रहेपनि अहिले त्यो गलत सावित भएकाले पुनः आफुले मिहेनत गरेको पार्टीमै समाहित भएको एकिकृत समाजवादीका छत्रेश्वरी गाउँकमिटी सदस्य उमलाल घर्तीले बताए । ‘अव देखि हामीहरु एमालेको झण्डामा गोलबन्द भएर, एमालेका नीति, विधिलाई शिरोधार्य गरेर खटेर काम गर्नेछौँ । हामी जस्तै अन्योलमा परेका अरु साथीहरुलाई पनि एमालेमै फर्कन आह्वान गर्दछु’, उनले भने ।

अनेमसंघ जिल्ला कमिटी सदस्य भुमा विक सहित समाजवादीका विभिन्न कमिटीमा रहेका शेर बहादुर विक, शुकराज खत्री, शसिराम वली एमालेमा समाहित भएका हुन् । यस्तै दिपा महर, देवा विक, ,कली विक, खुमा विक, पार्वती विक पनि पार्टीमा समाहित भएको एमाले छत्रेश्वरीका अध्यक्ष ज्ञान बहादुर खड्काले जनाए ।

कार्यक्रममा बोल्दै एमाले जिल्ला कमिटी सचिव तथा छत्रेश्वरी गाउँपालिकाका अध्यक्ष ओज बहादुर बुढाथोकीले विगतमा आफुले मिहेनत र परिश्रम गरेको पार्टी एमालेलाई नै बलियो बनाउनुपर्ने भन्दै देश विकासको एकमात्र विकल्प नेकपा एमाले भएको बताए । यस्तै एमाले जिल्ला कमिटी सदस्य फौद बहादुर बस्नेतले सहजिकरण गरेको कार्यक्रममा एमालेका जिल्ला कमिटी, पालिका कमीटी तथा वडा कमिटीका सदस्यहरु लगाएतको पनि उपस्थिति रहेको थियो ।

नयाँ दृष्टि

लेखकबाट थप