May 27, 2024, Monday
२०८१ जेष्ठ १५, मंगलवार
११ दिन सार्वजनिक बिदा

११ दिन सार्वजनिक बिदा

काठमाडौँ । फागुन महिनाभर ११ वटा सार्वजनिक बिदा पर्ने भएका छन् ।

विभिन्न दिवस, पर्व र शनिबार सहित ११ वटा सार्वजनिक बिदा पर्ने भएका हुन् । आज फागुन १ गते सरकारले जनयुद्ध दिवसको बिदा दिएको हो । यो सङ्गै ७ गते प्रजातन्त्र दिवस, ९ गते ग्याल्पो ल्होछार, १५ गते मगर दिवस, २२ र २३ गते पहाड र तराईमा फागुपूर्णिमा तथा २४ गते नारी दिवसको सार्वजनिक बिदा छ ।

मगर दिवस राजपत्रमा प्रकाशित बिदामा सूचिकृत नभए पनि अधिकांश स्थानीय तहले बिदा दिने गरेका छन् । यसैगरी फागुन ६, १३, २० र २७ गते शनिबारको बिदा छ ।

फागुनकै ३ गते लुम्बिनी प्रदेशले प्रदेश स्थापना दिवसको अवसरमा प्रदेश स्तरीय बिदा दिएमा सार्वजनिक बिदाको संख्या १२ पुग्नेछ।

प्रदेश सरकारले पनि आ–आफ्नो प्रदेशको धर्म, संस्कृति लगायतका अवसरमा वर्षमा अतिरिक्त ६ दिन बिदा दिन पाउँछन् । राजपत्रमा प्रकाशित सरकारी बिदाअनुसार यो वर्ष राष्ट्रिय स्तरका १ सय ३६ बिदा परेका छन्। तर प्रदेशहरुले पनि आफू अनुकुलका बिदा दिँदा सार्वजनिक बिदाको संख्या थपिँदै गएको छ ।

भर्खरै प्रकाशित

ट्रेन्डिङ न्युज