खोलाले बगाएर बेपत्ता भएका सल्यान कालिमाटीका पुरुषको शव बर्दियामा फेला
-
नयाँ दृष्टि
- २०७९ आश्विन २५
असोज २५, सल्यान ।
दशैको टीका लगाएर फर्किने क्रममा खोलाले बगाएर बेपत्ता भएका सल्यानका एक पुरुषको शव बर्दिया फेला परेको छ ।
जिल्लाको कालिमाटी गाउँपालिका ६ का ६५ बर्षिय नर बहादुर दर्मालीलाई १९ गते दशैंको टिकाको दिन आमाको घरबाट टिका लगाएर आफ्नो घर फर्किने क्रममा स्थानीय जुमखोलामा आएको बाढीले बगाएर बेपत्ता बनाएको थियो ।
उनको शव सोमबार साँझ बर्दिया बासगढी नगरपालिका १ स्थित बबई नदीको किनारमा फेला परेको कालिमाटी गाउँपालिका वडा न. ६ का वडाध्यक्ष टेक बहादुर पुलामीले जानकारी दिएका छ्न ।
उनको शव पोस्ट मार्टमका लागि सुर्खेत मेहलकुना लगिएको छ ।
जुमखाेला बबई नदिमा मिसिएर सल्यान हुँदै बर्दिया पुग्ने गर्दछ ।
लेखकको सम्वन्धमा