July 15, 2024, Monday
२०८१ असार ३२, सोमबार
सल्यानमा खहरे खोलाले बगाउँदा आमा घाइते, छोराको मृत्यु

सल्यानमा खहरे खोलाले बगाउँदा आमा घाइते, छोराको मृत्यु

सल्यान २४, साउन । सल्यानको छत्रेश्वरी गाउपालिका वडा नम्बर ४ झिम्पे,खहरे खोलाले आमा – छोरालाई बगाएको छ ।

शनिवार दिउसोँ करिब ३ बजे तीर जंगलबाट गाइबस्तु चराएर घर फर्किदैँ गर्दा स्थानिय चोरपाटा खोलाले गोगनपानी भन्ने स्थानबाट आमा र छोरा दुबै जनालाई बगाएको हो।

छत्रेश्वरी गाउँपालिका वडा नम्बर ४ झिम्पे, जुरढुंगा घर भएका उनिहरूलाई खोलाले बगाउँदा करिब ३२ बर्षिय आमा दिलसरा वली घाइते भएकी छन भने उनको अन्दाजी १२ बर्षिय छोरा ओमकार वलीको मृत्यु भएको बताइएको छ ।

खोलाले करिब ३० मिटर तलसम्म बगाउँदा पनि आमा बच्न सफल भएको तर छोराको भने करिब ४ सय मिटर तल शव भेटिएको बताइएको छ ।

खोलाले बगाएर घाइते भएकी आमाको जयचौरमा उपचार गरिएको छ । छोराको शवलाई पोष्टमार्टमको लागि जिल्ला अस्पताल सल्यानमा ल्याइएको जिल्ला प्रहरी कार्यालय सल्यानले जनाएको छ ।

भर्खरै प्रकाशित

ट्रेन्डिङ न्युज