July 16, 2024, Tuesday
२०८१ श्रावण १, मंगलवार
सल्यानको शारदा नगरपालिकामा २०५ कुकुरहरुको बन्ध्याकरण

सल्यानको शारदा नगरपालिकामा २०५ कुकुरहरुको बन्ध्याकरण

 

फागुन १६, सल्यान । सल्यानको शारदा नगरपालिकामा कुकुरहरूको बन्ध्याकरण शिविर सम्पन्न भएको छ ।

नगर पशु शाखाको आयोजना तथा हार्ट नेपालको प्राबिधिक सहयोगमा नगरपालिका भित्रका कुकुरहरुको निशुल्क बन्ध्याकरण शिबिर मंगलबार एक कार्यक्रमका बीच सम्पन्न भएको हो ।

शिबिरमा कुल २०५ कुकुरको बन्ध्याकरण गरिएको छ ।
गत फागुन १३ देखि १६ सम्म ४ दिन संचालन भएको थियो ।

समापन कार्यक्रममा बोल्दै नगर प्रमुख प्रकाश भण्डारीले
रेबिजको रोकथाम तथा कुकुरको संख्या वृद्धि हुन नदिन शिबिरले महत्त्वपूर्ण भुमिका खेलेको बताउनु भएको छ ।

शिबिरको समापनमा जिल्ला प्रहरी, सशस्त्र प्रहरी, राष्ट्रिय अनुसन्धान, उद्योग तथा उपभोक्ता हित संरक्षण कार्यालयका प्रमुख, नगरका कर्मचारी तथा हार्ट नेपालका डाक्टरहरुको उपस्थिति रहेको नगरपालिकाले बताएको छ ।

भर्खरै प्रकाशित

ट्रेन्डिङ न्युज