सल्यान जिल्लाकै सबैभन्दा ठुलो कवर्ड हलको छत्रेश्वरी गाउँपालिकामा उद्घाटन
२५ चैत, सल्यान।
सल्यान जिल्लाकै सबैभन्दा ठुलो कवर्ड हलको छत्रेश्वरी गाउँपालिकामा उद्घाटन गरिएको छ।
गाउँपालिकाको वडा नं ६ भोटेचौर सल्यानमा नव निर्मित कवर्डहलको उद्घाटन पालिका अध्यक्ष सन्तोष केसीले गरेका हुन ।
खेललाइ शारीरिक अभ्यासका रुपमा लिन सकिने , युग सुहाउने खेलकुदको विकास अहिलेको आवश्यकता रहेको भन्दै हिजो एक कार्यक्रमका बिच उक्त कवर्ड हलको उद्घाटन गरिएको हो ।
कवर्ड हल निर्माण उपभोक्ता समितिले उक्त आयोजना सम्पन्न गरेको हो ।
आयोजना सम्पन्न गरेको भन्दै कवर्ड हल निर्माण उपभोक्ता समितिलाई बिशेष धन्यबाद दिदै प्रसंशा-पत्र प्रदान गरिएको थियो ।
साथै उक्त कार्यक्रममा छत्रेश्वरी गाउँपालिका अन्तर्गत निर्माण भएका आयोजनाहरु ढकढक भ्यू टावर, शिवलिङ्ग पार्क, गाउपालिका स्वागत गेट जस्ता आयोजनाहरु निर्माण/ सम्पन्न गरेका निर्माण उपभोक्ता समितिहरुलाई प्रसंशा-पत्र प्रदान गरिएको थियो ।
प्रतिकृया दिनुहोस्