काँग्रेस क्षेत्रीय अधिबेशन : सल्यान प्रदेश सभा (ख) मा सुरेश अधिकारीको प्यानलै बिजय
मंसिर ४, सल्यान । नेपाली काँग्रेसको १४ औँ महाधिवेशन अन्तर्गत शुक्रबार सल्यानको दुई प्रदेश निर्वाचन क्षेत्रमा नयाँ नेतृत्व चयनको लागी सम्पन्न भएको निर्वाचन मध्ये प्रदेश सभा (ख) को मत गणना सकिएको छ ।
मत परिणाम अनुसार सल्यान प्रदेश सभा (ख) मा सुरेश अधिकारी सभापति रहेको पुरै प्यानल निर्वाचित भएको छ । मत परिणाम अनुसार प्रतिद्वन्दी उम्मेदवार वीर बहादुर सेजवाललाई ४२ मतको अन्तरले अधिकारीले पराजित गरेका हुन ।
प्रदेश सभा (ख) को निर्वाचनमा जम्मा ५९९ मत खसेको मध्ये सभापति सुरेश अधिकारी ३१२, उपसभापती गिरिराज ओलि ३१५, रिषी राम खत्री २६९, सचिव अनिल सिह २८१, श्याम कृष्ण महातरा २९५, सह-सचीव प्रीयबत्र श्रेष्ठ ३०१, होमसिङ बोहरा २९८ रहेको छ ।
त्यस्तै विपक्षी टिमका सभापति वीर बहादुर सेजवाल २७०, उपसभापति पेशल सिङ डाँगी २१४, पुर्ण बहादुर भण्डारी २४७, सचिव शोभाकर राणा २४८, मेघ राज भण्डारी २६२, सह-सचीव ढाक बहादुर चन्द २४०, रोहित देबकोटा २३१ रहेको छ ।
यस्तै प्रदेश सभा `क´ को मत गणना भैरहेको र अन्तिम परिणाम आउन केही समय लाग्ने निर्वाचन समितिले जनाएको छ ।
प्रतिकृया दिनुहोस्