कोरोनाको लकडाउन कालमा प्रदेश सरकारले पठाएको राहत सामाग्री एघार महिनापछी वितरण

महेश सिंह / चैत्र १५ लहान । सिरहाको कल्याणपुर गाउँपालिका ६ भोक्राहामा प्रदेश सरकारले कोरोना कालमा पठाएको राहत सामाग्री एघार महिना पछि वितरण गरिएको छ । कोरोनाको समयमा प्रदेश सरकारले पठाएको राहत सामाग्री वितरणमा बिवाद भएपछि ११ महिना देखि राहत सामाग्री रोकिएको वडा अध्यक्ष मोतिबुल राईनले बताए ।

स्थानीय राजनितिक बिबाद र खिचातानीका कारण घरेलु तथा साना उद्योग कार्यालय मार्फत करिब ११ महिना आगाडी पठाएको राहत बितरण हुन सकेको थिएन । उक्त राहत समाग्री (चैत ११) बुधबार स्थानिय राजनितिक दलका प्रतिनिधि ,वडा सदस्य समाजका बुद्धिजिबि भद्रभलादमिको रोहबरमा वितरण गरेको हो । राहतको विषय लिएर बिगत ११ दिन देखि बिवाद चल्दै आएका थियो ।

बिवाद सुल्झाउन विभिन्न दलका प्रतिनिधिको सर्बद्लिय बैठक बसेको थियो। उक्त बैठक बाट निर्णय भई राहत वितरण गरेका वडाका अध्यक्ष राईन ले बताए । वडाका दलित र बिपन्न परिवार पहिचान गरी ५८ घर धुरीलाई राहत दिईएका छ ।

सरकारले घरेलु तथा साना उद्योग कार्यालयमार्फत दोस्रो चरणको राहत वितरण गर्न सीधै वडा कार्यालयलाई जिम्मा दिने निर्णय गरेको थियो। महामारीबाट प्रभावित अतिविपन्न र मजदुरका लागि सरकारले गत जेठमा दोस्रो चरणको राहत कार्यक्रम घोषणा गरेको थियो ।

प्रदेश-२ सरकारले घरेलु तथा साना उधोगको कार्यालय लहान सिरहाबाट उक्त राहत पठाएको थियोे । राहत सामग्रीमा १ बोरा चामल, १ पाकेट खाने तेल, १ किलो नुन, २ सय ग्राम स्वयाविन र १ पिस हात धुने साबुन लगायतका सामग्रीहरु हस्तान्तरण गरेको वडा न ६ वडा अध्यक्ष मोतिबुल राईनले बताएको छ ।

लकडाउन बाट प्रभावित भएका गरिब तथा बिपन्न परिवारलाई लक्षित गरि वितरण गरिएको राहत लकडाउन अन्त्री भएको ६ महिना र लकडाउन घोषण भएको ११ महिना पछी वितरण गरिएको हो ।