तेस्रो विवाह गरेर जेल परेका वडाध्यक्षलाई राष्ट्रपतिले माफी दिईन, एमालेले पार्टी प्रवेश गरायो

असोज ११, सल्यान । तेस्रो विवाह गरेर कैद सजाय भुक्तान गरिरहेका सल्यान बनगाड कुपिण्डे नगरपालिका वडा नं ९ का वडाध्यक्ष इन्द्र बहादुर कुमाईलाई असोज ३ गते संविधान दिवासको अवसरमा राष्ट्रपति द्वारा आम माफी दिईयो ।

असल चालाचलन भएको कैदीबन्दीलाई संविधान दिवसमा आम माफी दिने परम्परा अनुसार सल्यान जिल्ला कारागारको जेलर र प्रमुख जिल्ला अधिकारी लक्ष्मीदेवी हुमागाईको सिपारिसमा कैद सजाय नसकिदै उनलाई राष्ट्रपति बाट आम माफी दिईएको थियो ।

२०७४ सालको स्थानिय तहको निर्वाचनमा नेकपा माओवादी केन्द्र बाट वडाध्यक्षमा निर्वाचित भएका कुमाई बहु विवाह मुद्धामा जेल चलाउन भएपछि उनि पदमुक्त भएका थिए । तर संविधान दिवसको अवसरमा राष्ट्रपतिले आममाफी दिएपछि असोज १० गते उनले नेकपा एमालेमा प्रवेश गरेका छन ।

उनलाई नेकपा एमालेका जिल्ला अध्यक्ष गोविन्द कुमार पुनले एक कार्यक्रमका बीच पार्टीमा प्रवेश गराएका हुन् । पार्टीको अगुवा कार्यकर्ता भेलामा उनी सहित दुई दर्जन भन्दा वढि कार्यकर्ताले पार्टी प्रवेश गरेको नेकपा एमाले नगर कमिटी सदस्य दलवहादुर वस्नेतले जानकारी दिए ।

घरमा दुइवटी श्रीमती हुँदा हुँदै वडाध्यक्ष इन्द्र कुमाइले गतवर्ष २०७७ को मंसिर १ गते तेस्रो श्रीमतीको रुपमा अर्काको श्रीमतीलाइ भगाएर बिहे गरे ।

०७७ मंसिर १९ गते प्रहरीले उनलाइ पक्राउ गरेर बहुविवाह कसुरमा मुद्दा चलायो । जिल्ला अदालत सल्यानले ०७७ फागुनमा वडाध्यक्ष सँगै उनकी कान्छी श्रीमती दुईजनालाई एक वर्ष कैद सँगै १० हजार जरिवानाको फैसला सुनाएको थियो ।

कारागारका जेलर र प्रमुख जिल्ला अधिकारीको सिपारिसमा संविधान दिवसमा राष्ट्रपतिले आम माफी दिने परम्परा छ । तर कर्तव्य ज्यान मुद्धा (भवितव्य) र राजनितिक मुद्धा वाहेक अन्य मुद्धामा आम माफी दिन सिपारिस गर्ने परम्परा नभएको जानकारहरु बताउन छन ।

दुई श्रीमती हुदाहुदै तेस्रो विवाह गर्ने वडाध्यक्ष सहित सल्यानमा सात कैदीलाई आममाफी