बनगाड कुपिन्डेमा राप्रपाको प्रशिक्षण सम्पन्न, विभिन्न पार्टीबाट ३५ जना राप्रपामा प्रवेश

असोज ४, सल्यान । सल्यानको बनगाड कुपिन्डे नगरपालिकामा राप्रपा सल्यानको नगरस्तरीय पार्टी प्रशिक्षण कार्यक्रम सम्पन्न भएको छ । शनिबार, नगर अध्यक्ष डिल्ली राणाको अध्यक्षतामा प्रशिक्षण कार्यक्रम सम्पन्न भएको हो ।

प्रशिक्षण कार्यक्रमलाई राप्रपा केन्द्रिय कार्य सम्पादन समिती सदस्य राजेन्द्र वीर राय, पुर्व सांसद तथा जिल्ला सभापति नेत्रलाल श्रेष्ठ, केन्द्रीय सदस्य अनुबम सिंह श्रेष्ठ, प्रदेश सदस्य बालाराम शर्मा र लिला बुढाथोकी लगायत नेताहरुले सम्बोधन गरेका थिए ।

नेताहरूले राष्ट्रिय एकता र राष्ट्रियताको रक्षाको लागि नेपालमा संबैधानिक राजतन्त्र र धर्म संस्कृतिको रक्षार्थ हिन्दु राष्ट्र नेपाल आजको आवस्यकता भएको मा जोड दिएका थिए ।

प्रशिक्षण कार्यक्रममा विभिन्न पार्टी परित्याग गरेर ३५ जना स्थानिय नेता कार्यकर्ताहरू राप्रपामा प्रवेश गरेको एक नेताले बताए ।

त्यस्तै शनिबार नै राप्रपाले कोरोनामुक्त सल्यान अभियान अन्तरगत देवस्थलको प्रभाकर माबिको क्वारेन्टाइनमा बसेका ३५ जना र अर्को क्वारेन्टाइनमा बसेका ११ जनालाई मास्क बितरण गरेको बताईएको छ । क्वारेन्टाइनमा बसेकाको आत्मबल बढाउन उनिहरुलाई परामर्श तथा मास्क र केही खानेकुरा बितरण गरेको ती नेताले बताए ।

राप्रपाले कोरोनामुक्त अभियान अन्तर्गत विभिन्न ठाउँमा सडक निर्माण कार्यमा खटिएका सडक मजदुरहरुलाई पनि मास्क बितरण गरेको बताएको छ ।