एथ्लेटिक्स प्रशिक्षक राइको उपचारको लागि सहयोग जुटाउदै युवाहरु
क्यान्सर सँग लडिरहेका एथ्लेटिक्स प्रशिक्षक रविन कुमार राइको सहयोगको लागि युवाहरु तत्पर देखिएका छन् । युवाहरुले उनको लागि सहयोग संकलन गर्नुको साथै हस्तान्तरण समेत गरेका छन् ।
जीवन भरी खेलकुख क्षेत्रमा नै सक्रिय रहेर देशको लागि उल्लेख्य योगदान गरेका राईलाई अहिले भावनात्मक, आर्थिक, भौतिक सबै प्रकारको साथ चाहिएको बताउँदै र आफुले सके जति सहयोग गर्न उनीहरुले अनुरोध पनि गरेका छन् ।
सल्यानमै क्रियाशील केही युवाहरुले स्थानीय स्तरमा सहयोग रकम संकलन गरेर राइको बैंक खातामा जम्मा गरिदिएका छन् । राइको उपचार सहयोगको लागि उनीहरुले ५७,३६५ रुपैंया सोमबार उनको कुमारी बैंकमा रहेको बैंक खातामा जम्मा गरिदिएको अभियान्ता अनिल भण्डारीले बताए ।
स्थानीय युवाहरु राइको उपचारको लागि सहयोग संकलन गर्न स्वस्फुर्त रुपमा जुटेका थिए । शारदा नगरपालिका अन्तर्गत खलंगामा रहेका स्थानीय युवाहरु अपिल व्यानर सहित सहयोग संकलनमा हिंडेका थिए । खेल लाई नै उच्च महत्व दिंदै आएका राइको लागि सहयोग जुट्ने क्रम जारी रहेको छ ।
प्रतिकृया दिनुहोस्