छत्रेश्वरीमा वडाबाटै सामाजिक सुरक्षा भत्ता वितरण गरिने
-
पुष्कर बिहानी
- २०८० कार्तिक २४
कार्तिक २४, सल्यान ।
सल्यानको छत्रेश्वरी गाउँपालिकाले अब देखि वडाबाटै सामाजिक सुरक्षा भत्ता वितरण गर्ने भएको छ ।
गाउँपालिकाको वडा न. ६ बाहेकका सबै वडाबाट आ.ब २०८०/८१ को प्रथम त्रैमासिक सामाजिक सुरक्षा भत्ता यहि कार्तिक ०५ गतेबाट वितरण गर्न सुरु गरिने गाउँपालिकाले बताएको छ ।
गाउँपालिकाले हरेक लाभग्राहीको सहजताका लागि वडा कार्यालयबाटै सामाजिक सुरक्षा भत्ता वितरण गर्ने भएको हो । दूरी टाढा भएका कारण र वृद्धवृद्धा भएका ज्येष्ठ नागरिकलाई बैंकसम्म पुग्नुपर्ने बाध्यता र लाइन बस्नुपर्ने सास्ती बढी भएकाले यसको अन्त्यका लागि वडा सामाजिक सुरक्षा भत्ता वितरण गर्ने कार्यक्रम अघि बढेको पालिकाको भनाइ छ ।
प्रतिकृया दिनुहोस्
लेखकको सम्वन्धमा