सल्यानमा बाली पशुपंक्षि तथा जडीबुटी बिमा सम्बन्धी अभिमुखीकरण कार्यक्रम सम्पन्न
चैत ०२, सल्यान । सल्यानमा बाली पशुपंक्षि तथा जडीबुटी बिमा सम्बन्धी अभिमुखीकरण कार्यक्रम साथै जनचेतनामूलक कार्यक्रम सम्पन्न भएको छ ।
सोमबार जिल्लाको बनगाढ कुपिण्डे नगरपालिकामा एनएलजी ईन्सोरेन्स कम्पनीको आयोजनामा बाली पशुपंक्षि तथा जडीबुटी बिमा सम्बन्धी अभिमुखीकरण तथा जनचेतना कार्यक्रम संचालन भएको हो ।
कार्यक्रममा २१ जना कृषकको उपस्थिति रहेको थियो । उक्त कार्यक्रमबाट बिमा सम्बन्धी धेरै जानकारी लिएको र भविष्यमा आफूले पालेको पशुको बिमा गर्ने र गाउँमा गएर अरूलाई पनि यस बारे जानकारी दिने स्थानीय कमल रावतले बताउनु भयो ।
साथै उक्त कार्यक्रमबाट भबिष्यमा पशु तथा बाली बिमा योजनामा धेरै कृषक सहभागी भएर लाभान्वित हुने कुरा एनएलजी ईन्सोरेन्स कम्पनी लिमिटेड सल्यानका शाखा प्रमुख बिमर्श प्रधानले जानकारी दिनुभयो ।
प्रतिकृया दिनुहोस्