नेपाल प्रहरीमा ठूलो मात्रामा पद संख्या थप, कुन पदमा कति?
-
नयाँ दृष्टि
- २०७९ असार १९
असार १९ ,दाङ। जनपद तर्फको प्रहरी जवान र प्रहरी सहायक निरीक्षक पदमा ठुलो सङ्ख्यामा माग पद संख्या थप गरिएको छ।
प्रहरी प्रधान कार्यालय मानव श्रोत विकास विभाग भर्ना तथा छनौट शाखाका अनुसार प्रहरी सहायक निरीक्षक र प्रहरी जवान गरी २ हजार ९१७ जनाका लागि पद संख्या थप गरिएको हो।
प्रहरी सहायक निरीक्षकमा खुला तर्फ २३८, अमर अशक्त प्रहरी परिवारतर्फ ९, महिला ४०, आदिवासी जनजातितर्फ ६३, मधेसी ५५, दलित २९ र पिछडिएका वर्गका लागि ९ गरी कुल ४४३ जनाको लागि भर्ना खुलेको छ।
त्यसै गरी प्रहरी जवानको लागि खुलामा १ हजार ३३४ जना अमर अशक्त प्रहरी परिवारतर्फ ४९, महिला २१९, आदिवासी जनजातितर्फ ३५०, मधेसी ३०५, दलित १६४ र पिछडिएका वर्गका लागि ५३ गरी कुल २ हजार ४७४ जनाको लागि कोटा थप गरिएको हो।
यी पदहरुकोलागि भने अघि नै लिखित परिक्षा भै सकेको छ।
प्रतिकृया दिनुहोस्
लेखकको सम्वन्धमा