दाङमा एक युवतीमाथी सामुहिक बलात्कार

नयाँ दृष्टि
२०७९ असार ४

असार ४, तुलसीपुर।

दाङको तुलसीपुरमा एक युवतीमाथी सामुहिक बलात्कार भएको छ।

जिल्लाको तुलसीपुर उपमहनगरपालिका ५ की २५ वर्षीया युवतीमाथी बलात्कार भएको हो।

बलात्कार गरेको आरोपमा प्रहरीले तुलसीपुर उपमहानगरपालिका ९ दोघरेका २४ वर्षीय शंकर विक र ३० वर्षीय कमल चौधरीलाई पक्राउ गरेको छ।

ईलाका प्रहरी कार्यालय तुलसीपुरका अनुसार घटनामा संलग्न मध्ये दोघरेकै १८ वर्षीय अर्जुन परियार र २१ वर्षीय अर्जुन विक फरार छन्। उनीहरूको खोजी भइरहेको प्रहरीले जनाएको छ।

युवतीमाथि असार २ गते राति सवा ८ बजे बलात्कार भएको हो। पीडित युवतीको सुस्त मनस्थितीकि भएको प्रहरीले जनाएको छ।

उनलाई दोघरेस्थित एक निर्माणाधीन घरमा लगेर चार जनाले बलात्कार खुलेको जिल्ला प्रहरी कार्यालय दाङले बताएको छ।