खुकुरी प्रहार गरी फरार रोल्पाका अभियुक्त सल्यान थारमारेबाट पक्राउ

नयाँ दृष्टि
२०७९ बैशाख २८

वैशाख २८, सल्यान
खुकुरी प्रहार गरेर फरार भएका रोल्पा गंगादेव गाउँपालिका ५ सिमखोलाका २४ वर्षीय प्रकाश केसीलाई प्रहरीले नियन्त्रणमा लिएको छ।

उनलाइ सल्यान प्रहरीले जिल्लाको बागचौर नगरपालिका २ थारमारेको रोशन ग्यारेजमा लुकेर रहेको अवस्थामा हिजो मंगलबार साँझ पक्राउ गरिएको जिल्ला प्रहरी कार्यालय सल्यानका प्रहरी प्रमुख सुमित खड्काले जानकारी दिएका छ्न।

गत बैशाख २६ गते राती रोल्पा गंगादेव गाउँपालिका ५ कुइन्इोटा डाडाँगाउमा वाइसियल र तरुणदलबिच झडप हुँदा शोही ठाउँका ३० वर्षीय मान बहादुर बुढा र २० वर्षीय कमल बुढालाई कुटपिट तथा खुकुरी प्रहार गरी केसी फरार भएका थिए ।

घटनामा अन्य ब्यक्तिहरुको संलग्नता भएको हुन सक्ने भन्दै केसीलाई नियन्त्रणमा लिएर आवश्यक छानविन भइरहेको प्रहरीले जनाएको छ ।