May 26, 2024, Sunday
२०८१ जेष्ठ १३, आईतवार
आफ्नै भान्जाले गरे मामाको हत्या

आफ्नै भान्जाले गरे मामाको हत्या

कार्तिक २८, मोरङ ।
मोरङमा आफ्नै भान्जाले मामाको हत्या गरेका छ्न ।

जिल्लाको उर्लाबारी नगरपालिका – ८ मा गएराति एक युवकले आफ्नै मामाको हत्या गरेका हुन । उर्लाबारी – ८ का २२ वर्षीय सुजन पाँचकोटीले धारिलो हतियारले टाउकोमा प्रहार गरी ४२ वर्षीय मामा काजी महराको हत्या गरेका मोरङ प्रहरीका प्रवक्ता डीएसपी दीपक श्रेष्ठले जानकारी दिए । महराको घर मोरङको पथरिशनिश्चरे नगरपालिका – १ मा हो ।

निद्रामै रहेका बेला हतियार प्रहार हुँदा घाइते भएका महरालाई उपचारका लागि मदन भण्डारी अस्पताल तथा ट्रमा सेन्टर मङ्गलबारेमा लगिएको थियो ।

उपचारकै क्रममा गएराति उनको ज्यान गएको प्रहरीले जनाएको छ । मामाको हत्यामा संलग्न सुजनलाई इलाका प्रहरी कार्यालय उर्लाबारीका प्रहरी निरीक्षक मिलन थापा नेतृत्वको टोलीले पक्राउ गरेर घटनाको अनुसन्धान थालेको छ । हत्याको कारण भने खुल्न सकेको छैन ।

भर्खरै प्रकाशित

ट्रेन्डिङ न्युज