June 24, 2024, Monday
२०८१ असार ११, सोमबार
दाङको शिरखोला बस दुर्घटनामा परेका सबै रोजगारीको लागी भारत जाँदै गरेका मजदुरहरू

दाङको शिरखोला बस दुर्घटनामा परेका सबै रोजगारीको लागी भारत जाँदै गरेका मजदुरहरू

असार १५, सल्यान । दाङ सल्यान सडकखण्ड अन्र्तगत तुलसीपुर ३ शिरखोलामा यात्रु बाहक बस दुर्घटना भएको छ ।

सल्यान देखी बाँकेको नेपालगन्ज तर्फ जादै गरेको रा १ ख २४३९ नम्वरको बस बेलुकी साढे छ बजेतिर दुर्घटना भएको ईलाका प्रहरी कार्यालय तुलसीपुरले जनाएको छ ।

 

यात्रुबहाक बस दुर्घटना हुँदा २८ जना यात्रु घाईते भएका छन् । घाईतहरुको अबस्था सामान्य रहेको ईलाका प्रहरी कार्यालय तुलसीपुरका प्रहरी निरीक्षक झलक शर्माले बताए ।

प्रहरीका अनुसार घाईतेहरुको अवस्था सामान्य र मध्यम रहेको छ । बस सडक देखी झन्डै ५० मिटर तल खसेर दुर्घटना भएको छ ।

 

चालकले अनियंत्रित भएर दुर्घटना भएको भनेपनी कारण भने खुलेको छैन । गाडी दुर्घटना भएको स्थानमा घुम्ती छ । त्यसैले पनि दुर्घटना भएको हुन सक्ने प्रहरीले बताएको छ ।

बसमा सवार यात्रु राेजगारीका लागि भारत जान लागकाे खुलेको छ । उनिहरू सल्यानकाे छत्रेश्वरी गाउँपालिकाबाट आज हिडेका थिए ।

घाइतेहरुकाे राप्ती प्रादेशिक अस्पताल तुलसीपुरमा उपचार भैरहेकाे छ । गाडीमा करिब ३५ / ३६ यात्रु भएको हुन सक्ने प्रहरीले बताएको छ ।

भर्खरै प्रकाशित

ट्रेन्डिङ न्युज