दाङमा ट्रकले मोटरसाइकललाई ठक्कर दिँदा मोटरसाइकल चालकको मृत्यु
-
नयाँ दृष्टि
- २०८१ पुष २
दाङमा ट्रकले मोटरसाइकललाई ठक्कर दिँदा मोटरसाइकल चालकको मृत्यु भएको छ ।
सोमबार बेलुका राप्ती गाउँपालिका वडा नं २ लालमटियाको कटेशनाला नजिक पश्चिमबाट पूर्वतर्फ जाँदै गरेको वा ४ ख २२६१ नम्बरको ट्रकले पूर्वबाट पश्चिमतर्फ जाँदै गरेको रा ८ प ४१४६ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको इलाका प्रहरी कार्यालय भालुवाङले जनाएको छ ।
मोटरसाइकल चालक राप्ती गाउँपालिका वडा नम्बर तीन बसन्तपुर बस्ने १८ वर्षीय सोनु गुरूङ रहेको खुलेको छ । ट्रकको ठक्कर पश्चात घाइते उनलाई स्वास्थ्य चौकी भालुवाङ लगिए पनि चिकित्सकले मृत घोषणा गरेका थिए । ठक्कर दिने ट्रकलाई नियन्त्रणमा लिएको प्रहरीले जनाएको छ ।
प्रतिकृया दिनुहोस्
लेखकको सम्वन्धमा