नवलपरासीमा देउसी भैलो खेल्ने समूह बोकेर हिँडेको गाडी दुर्घटना

नयाँ दृष्टि
२०८१ कार्तिक १७

पश्चिम नवलपरासीको सुस्तामा देउसी भैलो खेल्ने समूह बोकेर हिँडेको गाडी दुर्घटना भएको छ । सुस्ता गाउँपालिका वडा नम्बर ३ बिगेपस्थित भित्री सडक खण्डमा देउसी भैलो खेल्ने समूह बोकेर हिँडेको लु ३ च ६०३२ नम्बरको पिकअप गाडी दुर्घटना भएको हो । देउसी भैलो खेल्ने समूह बोकेर हिँडेको गाडीले बाख्रालाई जोगाउने क्रममा अनियन्त्रित भई दुर्घटना भएको जिल्ला प्रहरी कार्यालय पश्चिम नवलपरासीले जनाएको छ ।

दुर्घटनामा परि १० जना घाइते भएका छन् । उनीहरूमध्ये ४ जनाको अवस्था मध्यम र ६ जनाको अवस्था सामान्य रहेको प्रहरीको भनाई छ ।

घाइतेहरूलाई उपचारका लागि सहिद स्मृति अस्पताल चौपत्ता लगिएको छ । भ्यानमा २५ जना सवार रहेको प्रहरीले बताएको छ।