रुकुम पश्चिममा वनमा फैलिएको आगो गाउँमा पसि घरमा आगलागी हुदा एक महिलाको जलेर मृत्यु

नयाँ दृष्टि
२०८१ बैशाख ९

बैशाख ९ रुकुम पश्चिम ।

रुकुम पश्चिममा वनमा फैलिएको आगो गाउँमा पस्दा घर भित्र गहना निकाल्न गएकी महिलाको जलेर मृत्यु भएको छ।

रुकुम पश्चिमको बाँफिकोट गाउँपालिका ३ दारकाट्यामा आगलागी हुँदा एक जेष्ठ नागरिकको मृत्यु भएको छ ।

आज दिउँसो पौने ३ बजेतिर ढारपाखा सामुदायिक वनबाट फैलिएको आगो गाउँमा पस्दा ७० वर्षिया बुदि कामीको मृत्यु भएको हो ।

सो वडाका वडा अध्यक्ष तिलबिर केसीका अनुसार घरमा आगो सल्केपछि घरभित्र रहेका गहना निकाल्न भन्दै घरभित्र छिरेकी कामीको जलेर मृत्यु भएको हो । वन क्षेत्रबाट गाउँतर्फ फैलिएको आगोले तीन वटा घर जलेर नष्ट भएका छन् ।

अहिलेसम्म आगो नियन्त्रण हुन नसकेको वडा अध्यक्ष केसीले बताउनु भएको छ । स्थानीयवासी र ईलाका प्रहरी कार्यालय बाँफिकोटबाट गएको प्रहरी टोलीले आगलागी नियन्त्रणको प्रयास गरिरहेको बताएको छ ।