सल्यानमा गाडीमा भेटाएको नौ हजार बीस रुपैयाँ प्रहरीलाई हस्तान्तरण
नोखिराम डाँगी / पौष ३०, सल्यान । सल्यानमा युवाहरूले गाडीमा भेटाएको ९ हजार २० रुपैयाँ प्रहरीलाई हस्तान्तरण गरेका छन ।
शुक्रवार दाङको तुल्सिपुर देखि सल्यानको कुमाख गाउँपालीकाको नेटा जादैँ गरेको रा ५ ख ६३७१ नम्बरको बसमा सवार राजेन्द्र खड्का र चन्द्र डाँगीले गाडीको गल्लीमा भेटाएको उक्त रकम इलाका प्रहरी कार्यालय थारमारेमा बुझाएका हुन ।
दाङ बाट आएको बसमा आफू श्रीनगर बाट चढेको र गाडी मोखला बजारमा पुगेको बेला गाडीको गल्लीमा उक्त रकम भेटिएको राजेन्द्र खड्काले बताए । थारमारे सम्म पुग्दा गाडीमा बसेका कसैले पनि उक्त रकम दावी नगरेपछी इप्रका थारमारेलाई सो रकम हस्तान्तरण गरिएको उनको भनाइ छ ।
गाडीमा भेटिएको उक्त रकम इप्रका थारमारेले बुझेको र सो रकम कस्को हो भन्ने थाहा नभएकोले सम्बन्धित व्यक्ति आवस्यक प्रमाणसहित आएमा उक्त रकम हस्तान्तरण गरिने जिल्ला प्रहरी कार्यालय सल्यानका डिएसपी सुमित खड्काले बताए ।
प्रतिकृया दिनुहोस्