महेश बस्नेतले लगाए प्रधानमन्त्री देउवालाई गम्भीर आरोप

नयाँ दृष्टि
२०७८ आश्विन १२

असोज १२, काठ्माण्डौ । नेकपा एमालेका केन्द्रिय सदस्य तथा युवा नेता महेश बस्नेतले देउवालाई देखेर लोकतन्त्र पनि कुनामा बसेर रोइरहेको टिप्पणी गरेका छन ।

मंगलबार सामाजिक संजाल फेसबुक मार्फत लामो स्टाटस लेख्दै बस्नेतले हिजो ओली सरकार अधिनायकवादी भयो, रुननी पाइएन भन्ने देउवा देखेर लोकतन्त्र पनि कुनामा बसेर रोइ रहेको र हिजो राष्ट्रपतिलाई रबर स्ट्याम्प भन्ने र ओली सरकारको खोइरो खन्ने मिडिया बुद्धिजीवी नागरिक समाज क्वारेन्टाइन तिर बसेरहेका होला भन्दै तिखो टिप्पणी गरेका हुन ।

उनले दिन प्रतिदिन रहस्यका पर्दा खुल्दै गएको र लोकतन्त्र को रक्षक र को भक्षक जनताले चिन्दै गएको पनि टिप्पणी गरेका छन ।

हेर्नुहोस पूरा स्टाटस :

केपी ओलीको लोकप्रिय सरकार ढाल्न, नेकपा भित्रै बाट प्रधानमन्त्रीमा प्रचण्ड र अध्यक्षमा माधब नेपाललाई सिंगार पटार गरियो। उपलब्धि दिन नसक्ने काम नलाग्ने साबित भैसकेको सदन दुई पटक ब्युत्याइयो ।

एमाले माओबादी छुट्याइयो। धारा ७६ बाट बाट धेरै प्रयास गर्दा बन्न नसकेको देउवा सरकार परमादेश जारी गरेर बनाइयो। एमालेका सांसदहरुलाई पार्टी ह्विप नलाग्ने बनाइयो। अदालत र सभामुखबाट अरुलाई एउटा कानून एमालेलाई अर्कै कानून लागाइयो ।

बिश्वासको मत लिन नसके पछि चालू संसदको अधिवेशन हठात अन्त्य गरी २० प्रतिशत सांसद वा केन्द्रीय कमिटीका सदस्य मिलेर पार्टी फोर्न मिल्ने अध्यादेश ल्याएर एमाले र राजपा फुटाइयो। अढाइ महिना सम्म सरकार बिस्तार हुन नसकेपछी अनैतिक तवरले अध्यादेश फिर्ता गरियो।

ओली सरकारको लोकप्रिय बजेट प्रस्तिस्थापन गर्दै कालो धनलाई सेतो बनाउने र १४ सय सडक सहित असंख्य योजना काटने अनि राज्यको श्रोत साधन कब्जा गर्ने बजेट ल्याइयो। “हिजो ओली सरकार निरंकुश भयो, सेटिङमा चल्यो” भन्ने प्रचण्ड भन्दैछन “यो सब काम म र माधब नेपाल मिलेर गरेको हो”।

हिजो ओली सरकार अधिनायकवादी भयो, रुननी पाइएन भन्ने देउवा देखेर लोकतन्त्र पनि कुनामा बसेर रोइ रहेको होला। हिजो राष्ट्रपतिलाई रबर स्ट्याम्प भन्ने र ओली सरकारको खोइरो खन्ने मिडिया बुद्धिजीवी नगरिक समाज क्वारेन्टाइन तिर बसेरहेका होलान्। दिन प्रतिदिन रहस्यका पर्दा खुल्दैछन्। को रक्षक, को भक्षक जनताले चिन्दैछन।