सल्यानमा तरकारी बोकेको जिप दुर्घटना : २ जनाको मृत्यु, १ गम्भीर घाइते
असोज ०८, सल्यान ।
सल्यानमा तरकारी बोकेको जिप दुर्घटना हुदा २ जनाको घटनास्थलमै मृत्यु भएको छ भने १ जना गम्भीर घाइते भएका छन ।
जिल्लाको कपुरकोट गाउँपालिका – ३ चोरखोला नजिक सेतापैरा भन्ने ठाउँमा सोमबार बिहान रोल्पाबाट दाङ तर्फ जाँदै गरेको रा १ च. १०२५ नं. को सिंगल क्याप जिप दुर्घटना भएको जिल्ला प्रहरी कार्यालय सल्यानले बताएको छ ।
मृत्यु हुनेहरुमा जिप चालक दाङको तुलसीपुर उपमहानगरपालिका – १८ का २६ बर्षीय भक्त बहादुर घर्ती र गाडी साहु सोही ठाउँका ५० बर्षीय गणेश बुढा रहेका छन ।
त्यस्तै घाइते हुनेमा दाङको तुलसीपुर उपमहानगरपालिका – २ का ३५ बर्षीय नारायण योगी रहेका छन । उनलाइ उपचारकोलागी तुलसीपुर तर्फ पठाइएको जिल्ला प्रहरी कार्यालय सल्यानका प्रहरी निरीक्षक गोपाल श्रेष्ठले बताउनुभयो ।
दुर्घटनाबारे सवा ६ बजेतिर प्रहरीलाई सूचना आएको थियो । तीव्र गतिका कारण अनियन्त्रित भई दुर्घटना भएको आशंका गरिएको छ । जिप सडकबाट करिब ३५० मिटर तल खसेको थियो ।
प्रतिकृया दिनुहोस्