सरकारी गाडीले दियो सल्लीबजार नजिकै एक वृद्ध र २ गाईलाई ठक्कर : घाइते गम्भीर , चालक फरार

दुर्गा बिसी / साउन ०२, सल्यान । सल्यानको सल्लीबजार नजिकै एक सरकारी नम्बर प्लेटको गाडिले एक वृद्ध र २ गाईलाई ठक्कर दिएको छ ।

शनिबार राती अन्दाजी ९ बजेतिर उक्त गाडीले बाँके खजुरा गापा ५, घरभैइ हल्ल सल्लीबजार देवस्थल निवासी वर्ष ६१ का सविर हासिमलाई बनगाड खाेला पुलमा ठक्कर दिएको हो । गाडीले हासिमसँगै दुई गाईलाई समेत ठक्कर दिएको छ ।

गाडीको ठक्कर बाट हासिम सक्त घाइते भएका छन । उनको जनबन्धु पाेलिक्लिनक सल्लीबजारमा सामान्य उपचार पछि नेपालगञ्ज रिफर गरिएको छ ।

बा १ झ ३९७४ नं को उक्त गाडी जाजरकोट जिल्लाको छेडागाड नगरपालिकाकाे रहेको पुष्टि भएको जिल्ला प्रहरी कार्यालय सल्यानका प्रवक्ता अर्जुन पौडेलले बताए ।

गाउँपालिका प्रमुखले गाडी तेलहाल्न जाँदै गरेको बताएको प्रहरीले बताएको छ ।

छिन्चु – जाजरकाेट सडक खण्डको बनगाड खाेला पुलमा ठक्कर दिएर उक्त गाडी इप्रका सल्लीबजार र वालुवासंग्रही चेकपोस्ट विच स्थानमा छाेडेर चालक जंगल तिर भागेकोले उनको खोजी कार्य भैरहेको र गाउँपलिका प्रमुखले चालकलाई प्रहरी सम्पर्कमा पठाइदिने बताएको प्रवक्ता पौडेलले बताए ।

गाडी प्रहरी नियन्त्रणमा रहेको जनाएको छ । चालककाे खाेजि भैइरहेको जनाएको छ