राजेन्द्र महतोलाई सिंहदरबार प्रवेश निषेध गर्न दक्षिण गेट छेउमा टाँसियो ‘सूचना’
असार ०७, काठमाडौं । उपप्रधानमन्त्री राजेन्द्र महतोलाई ‘सिंहदरबार क्षेत्रमा हालका लागि प्रवेश निषेध गरिएको’ भन्दै पर्चा टाँसिएको छ । सिंहदरबारको दक्षिण गेट छेउ पर्खालमा नयाँ पार्टी नेपालले सो पर्चा टाँसेको हो ।
सो पार्टीले पर्चामा आफूले दिएको समयसीमाभित्र महतोले आफू नेपाली नागरिक हुँ भन्ने प्रमाण देखाउन नसकेको आरोप लगाएको छ । क्रमशः देशभरि नै उनलाई निषेध गरिने पर्चामा उल्लेख छ ।
पार्टीका प्रवक्ता युवराज सफलले महतोलाई ७ दिनभित्र नागरिकताको विषयमा स्पष्ट पार्न सूचना जारी गरेको बताए ।
‘त्यो सूचनाको जवाफ दिनुको साटो रवाफ देखाउनुभयो । त्यसैले हामीले उनको नागरिकता रद्द गरेर देशनिकाला गर्ने योजना अन्तरगत सुचना टाँस्नुपरेको हो’ उनले भने ।
प्रतिकृया दिनुहोस्