July 19, 2024, Friday
२०८१ श्रावण ४, शुक्रबार
पवन कुमार ओलिको झ्याउरे गीत ‘साइलो दाइ’ सार्वजनिक (भिडियो सहित)

पवन कुमार ओलिको झ्याउरे गीत ‘साइलो दाइ’ सार्वजनिक (भिडियो सहित)

 

सल्यान । सल्यानी गायक पवन कुमार ओलिको झ्याउरे गीत “साईलो दाई” युट्युबमा सार्वजनिक भएको छ ।

गीतमा सल्यानी गायक ओलि र सुनिता बुढा क्षेत्रिको कर्णप्रिय स्वर, पवन कुमार ओलि, हरि गन्धर्व र जानकी गन्धर्वको लय संकलन र शब्द त्यस्तै सल्यान गायक कृष क्षेत्री, तिलक ठकुरी क्षेत्री, ममता राना मगर लगायतका कलाकारहरुको दमदार प्रस्तुति देख्न सकिन्छ ।

गीतमा शारदा नगरपालिकाका मेयर प्रकाश भण्डारीको नृत्य समेत देख्न सकिन्छ ।

स्थानीय भाषा तथा मौलिकता देखीने गीतको शब्द, संगीत काल्पनिक रचना नभई गाउँघरको पुरानो भाका र शब्द संकलनमा गरिएको छ।

यस अगाडि ओलिले ‘तिमिलाई के था’ भन्ने बोलको गीत सार्बजनिक गर्नुभएको थियो । ब्यवसाहिक हिसाबले उहाँ अन्तर्राष्ट्रिय गैरसरकारी संस्थामा काम गर्नुहुन्छ ।

यस्ता गीतका शब्दहरु :
“साईलो दाई”

केटा : यो हाट जाने यो हैनौ तिमि साईलो दाई हटारु पठाउने
यो माया लाउने यो हैनो तिमि साईलो दाई कलेजी कटाउने ।

केटी : यो आधा बारी सर्सु र साग साईलो दाई आधा त तिलबारी
ए माया तिमि कता पो जान्छौ साईलो दाई कलेजी निलपारी

केटा : यो आज बिवई (बिहिबार ) यो भोली सुकै (सुक्रबार ) साईलो दाई पर्सि त छन्चर (शनिबार)
यो तलाई सुख सबैले भन्छन साईलो दाई मन कस्ले देख्छर

केटी : यो सालघारी यो सल्लाघारी साईलो दाई रुख माथि छन रुख
आपत र बिपत परेको वेला साईलो दाई कोई हेदैनन मुख ।

केटा : यो आधा महिना मंसिरैको साईलो दाई भर (भरि महिना ) महिना पुसैको
यो आईस्याल (अर्कोसाल ) भन्नु यो मेरो हैन साईलो दाई जो बाच्ला उसैको

केटी : अई कहाँ जान्छस ए चिलगाडि ए साईलो दाई उडेर सगरैमा (आकासमा)
यो बाँचिम भने फेरी भेट हुम्ला साईलो दाई मरे त बगरैमा ।

केटा : धान बयाली खेल्न लाईगो साईलो दाई घारी खेतको कुना
यो बैस जान यो लाईगो बरै साईलो दाई मन त लाग्यो रुन ।

केटी : यो गौथलिले यो हिलो ल्यायो साईलो दाई तल नैनितालको
यो बाडुली यो किन लाग्छ साईलो दाई बिना माया जालको ।

भिडियो हेर्नुहोस : 

भर्खरै प्रकाशित

ट्रेन्डिङ न्युज