September 23, 2023, Saturday
२०८० आश्विन ६, शनिबार
सल्यानमा लागूपदार्थ र लागू औषध दुर्व्यसन विरुद्धको सचेतना कार्यक्रम सम्पन्न

सल्यानमा लागूपदार्थ र लागू औषध दुर्व्यसन विरुद्धको सचेतना कार्यक्रम सम्पन्न

असार २२, सल्यान। सल्यानमा लागूपदार्थ र लागू औषध दुर्व्यसन विरुद्धको सचेतना कार्यक्रम सम्पन्न भएको छ।

जिल्लाको शारदा नगरपालीको वडा ५ रहेको महेन्द्र रत्न माध्यमिक विद्यालय पिपलनेटा र शारदा नगरपालीका वडा नं ८ मा रहेको त्रिभुवन जनता माध्यमिक विद्यालय मार्केमा उक्त कार्यक्रम सम्पन्न भएकाे थियो।

नेपाल स्काउट कर्णाली प्रदेश कार्यालयको आयोजना, जिल्ला प्रहरी कार्यालय सल्यान र बास नेपाल जिल्ला शाखा सल्यानको सहकार्यमा सो कार्यक्रमा सम्पन्न भएको हो।

कार्यक्रम सहभागी विद्यार्थीहरुले लागूपदार्थ भनेको के हो र लागूपदार्थ प्रयोग, उत्पादन , सेवन गर्दा र कानुनी सजायको बारेमा आफुहरुलाइ जानकारी भएको बताए। कार्यक्रम बोल्दै विद्यार्थी निर्मल बिष्टले भने “अब धेरै कुरा थाहा भयो , हाम्रो समाज, स्कूल र घरमा लागुपदार्थ र यसको कानुनी सजाएको बारेमा सबैलाई जानकारी दिने प्रतिबद्धता गर्छौ।”

सचेतना कार्यक्रममा नेपाल स्काउटकी लागूपदार्थ दुर्व्यसन विरुद्धको सचेतना कार्यक्रमकी प्रशिक्षक मेघा रेउलेले लागूपदार्थ भनेको के हो? यसमा कसरी फसिन्छ? यसको सेवनले शारिरिक, आर्थिक र समाजमा कस्तो ख्यालको असर गर्छ ? र यसबाट बच्ने उपायहरुको बारेमा प्रशिक्षण गराएकि थिइन।

यस्तै कार्यक्रममा बोल्दै जिल्ला प्रहरी कार्यालय सल्यानका प्रहरी सहायक निरीक्षक दिमुप लामिछानेले लागूपदार्थ प्रयोग गर्ने , यसको ओसार पसार गर्ने वा लागूपदार्थ उत्पादन तथा तथा बिक्री वितरण गरेमा नेपालको कानुनले कस्तो सजाय ऎन कानुन र ब्यबस्था बारे जानकारी दिएका थिए।

सचेतना कार्यक्रम २ वटा विद्यालयमा तीन सय भन्दा बढी विद्यार्थीको सहभागीता रहेको थियो ।

भर्खरै प्रकाशित

ट्रेन्डिङ न्युज