सल्यानमा जङ्गली जनावरले क्षति पुर्याएका किसानहरुलाई राहत वितरण
-
नयाँ दृष्टि
- २०८१ पुष २२
सल्यान, २३ पौष
सल्यानमा जङ्गली जनावरले क्षति पुर्याएका किसानहरुलाई राहत वितरण गरिएको छ ।
डिभिजन वन कार्यालय सल्यानले जङ्गली जनावरले बालीनालीमा क्षति पुर्याएको तथा पशु चौपाया मार्दा पीडित भएका ७९ जना किसानलाई क्षतिपूर्ति स्वरूप राहत वितरण गरेको हो ।
जिल्लाको कालीमाटी गाउँपालिका , छत्रेश्वरी गाउँपालिका कपुरकोट गाउँपालिका र शारदा नगरपालिकाका किसानलाई राहत वितरण गरिएको डिभिजन वन कार्यालय सल्यानका प्रमुख टेकबहादुर रावलले बताए ।
उहाँका अनुसार चार पालिकाका ७८ जना किसानलाई ५ हजारका दरले ३ लाख ९० हजार र बाघले १० बाख्रा मारेका कालीमाटी गाउँपालिका- ७ का एक किसानलाई १ लाख गरी ७९ जनालाई ४ लाख ९० हजारको राहत वितरण गरिएको हो ।
सरकारले गत वर्षदेखि जङ्गली जनावरले बालीनाली क्षति पुर्याएको र पशु चौपाया मारेको किसानलाई राहत दिने कार्यक्रम अनुसार नै वितरण गरिएको कार्यालय प्रमुख रावलले बताउनु भयो ।
जिल्लाका १ सय ११ किसानले जङ्गली जनावरले बालीनाली क्षति पुर्याएको र पशु चौपाया मारेको भन्दै राहतका लागि निवेदन पेश गरेका थिए ।
निवेदन दिएका मध्ये ३२ जनाको विवरण केन्द्रमा पठाएको र केही दिनभित्र नै उनीहरूलाई पनि राहत वितरण गरिने कार्यालय प्रमुख रावलले बताए ।
पछिल्लो चरणमा जिल्लामा बढ्दै गएको जङ्गली जनावरको आतंकले किसानहरु प्रभावित हुँदै आएका छन्
लेखकको सम्वन्धमा