‘बेहुली फ्रम मेघौली’ बन्यो इतिहासमै सर्वाधिक शोज पाउने फिल्म

भोलि असोज १७ गते विहीवारदेखि प्रदर्शनमा आउने फिल्म ‘बेहुली फ्रम मेघौली’ले नेपालमा अहिले सम्मकै हालसम्मै सबैभनदा धेरै शो पाउने फिल्म बनेको छ । वितरक अशोक शर्माले ‘बेहुली फ्रम मेघौली’ ले ३३५ शो पाएको जानकारी दिएका छन् ।

काठमाडौंभित्र र बाहिरका मल्टिप्लेक्स र सिंगल थिएटर गरी ३३५ शो पाएको हो । अहिलेसम्म ठूला ब्यानर र पपुलर ब्रान्डका फिल्म रिलिज हुँदा पनि यति धेरै शो नपाएको उनको भनाइ छ ।

एकल रिलिज, फिल्मको हाइप र घटस्थापनाको विदाका कारण फिल्मले सर्वाधिक शोज पाएको देखिन्छ । यसमा ५० प्रतिशत मात्रै पनि पहिलो दिन फिल्मले अकुपेन्सी हासिल गर्न सकेको खण्डमा ‘ओपनिङ’ आक्रामक हुनेछ । फिल्मको सोमबारबाट देशभरका मल्टीप्लेक्सहरुमा एड्भान्स बुकिङ खुला भइसकेको छ । काठमाडौंका केही हलमा फिल्मको टिकट बुकिङ सुखद् देखिएको छ ।

‘केही नभने है, मेरी बुहारीलाई’ गीतका कारण चर्चामा रहेको फिल्ममा ‘स्टारकास्ट’ पनि बलियो छ । यसैले इनिसियल व्यापार राम्रो हुन सक्ने प्रक्षेपण गरिएको छ । लामो रेसको घोडा बन्न भने ‘वर्ड अफ माउथ’ बलियो हुनुपर्नेछ । ट्रेलर हेर्दा फिल्मले छोरीका लागि योग्य केटा खोज्न परिवारको गरेको संघर्षलाई हास्य शैलीमा प्रस्तुत गरेको देखिन्छ । ट्रेलरलाई प्रतिक्रिया उत्साहजनक मिलेको छ ।

स्वस्तिमा खड्का र निश्चल बस्नेतको मुख्य भूमिका रहेको फिल्ममा लगानी उनीहरुकै छ । सजन काफ्ले र आकाश बरालको फिल्ममा लेखन तथा निर्देशन रहेको छ ।

नयाँ दृष्टि

लेखकबाट थप