तुलसीपुरमा जारी खुल्ला पुरुष खोखो प्रतियोगिताको उपाधी नेपाल आर्मीको हातमा

नयाँ दृष्टि
२०८२ बैशाख २८

दाङ बैशाख २८।

दाङको तुलसीपुरमा जारी प्रथम राष्ट्रिय खुल्ला पुरुष खोखो खेलकुद प्रतियोगितामा नेपाल आर्मी विजयी भएको छ ।
आर्मीले लुम्बिनी प्रदेशलाई ४ अङ्कले पछि पार्दै प्रथम राष्ट्रिय खुला पुरुष खोको प्रतियोगिताको उपाधि हात पारेको हो।

आज बिहान भएको फाइनल खेलमा आर्मीले २० अङ्क प्राप्त गर्दा लुम्बिनीले १६ अङ्क ल्याएर उपविजेता भएको हो ।

त्यसैगरी सुदुरपश्चिमले कर्णालीलाई पछि पार्दै तेस्रो स्थान हासिल गरेको छ ।
बिजेता प्रथम स्थान हासिल गरेको टिमले ५० हजार र मेडल,र दोस्रो स्थान प्राप्त गर्ने टिमले २५ हजार र मेडल, र तेस्रो स्थान हासिल गर्नेलाई १० हजार तथा मेडल प्रदान गरिएको छ।
प्रतियोगिता वैशाख २६ गतेबाट जिल्ला खोखो संघ दाङको आयोजनामा प्रतियोगिता सुरु भएको थियो ।