सल्यानमा एस पार्टीमा पहिरो,पुर्व गाउँपालिका अध्यक्षसहित थुप्रै नेताकार्यकर्ता एमालेमा प्रवेश

गणेश क्षेत्री
२०८१ श्रावण १३

सल्यान श्रावण १३।

सल्यानमा माधव नेपाल नेतृत्वको एकीकृत समाजवादी पार्टीका नेताकार्यकर्ताहरु पुरानै पार्टी नेकपा एमालेमा फर्किएका छन।
नेकपा एमाले सल्यानको दोस्रो पुर्ण बैठकको अवसर पारेर आज सिद्ध कुमाख गाउँपालिकाका पुर्व अध्यक्ष मान बहादुर चलाउने सहित युवा संघ सल्यान सह इन्चार्ज टोपेन्द्र वली जिल्ला अध्यक्ष न्यूटन श्रेष्ठ,
लाल बहादुर खत्री, खिम बहादुर चलाउने, गिरदल बिक, राजेन्द्र शाह, याम बहादुर बोहरा, विनोद बोहरा, प्रेम बस्नेत, काठमाडौं सल्यान सम्पर्क मंचका अध्यक्ष बेद बहादुर भण्डारी, बुद्धिजीवी परिषद केन्द्रीय सदस्य भरत खड्का लगाएतका व्यक्तीहरु नेकपा एमालेमा फर्किएका हुन् ।

एकीकृत समाजवादी पार्टी एमालेबाट छुट्टिएर फरक पार्टी बनेको यति समयसम्म पनि कुनैपनि औचित्य पुष्टि गर्न नसकेको हुदा पार्टीमा कार्यकर्ताको निराशा छाएको र महाधिवेशन बाट नयाँ नेतृत्व, नयाँ उर्जा नआएको र नेतृत्वले नयाँ उर्जा प्रदान गर्न नसकेको गर्न नसक्ने सम्भावना देखिएकोले समाजवादी पार्टीको जिवन्त भविष्य नदेखिएको हुदा आफुहरु पुरानै पार्टी एमालेमा समाहित भएको उनिहरुले बताएका छन् ।

एकीकृत समाजवादी पार्टीबाट सल्यानमा आफुहरुले पहिलो सुरुवात गरेको बताउदै अब अन्य नेताकार्यकर्ता पनि एमालेमा छिट्टै सम्माहित हुने उनिहरको जिकिर थियो ।

एमालेमा फर्किएका उनिहरुलाई नेकपा एमाले कर्णाली प्रदेश अध्यक्ष गुलाबजंग शाह लगायतका जिल्ला नेताहरूले स्वागत गरेका थिए।