सल्यानको त्रिबेणि गाउँपालिकाद्वारा कृषकलाइ बाख्रा र बंगुरका पाठापाठी वितरण
माघ १९, सल्यान । सल्यानको त्रिवेणी गाउँपालिकाले कृषकहरूलाइ बाख्रा र बंगुरका पाठापाठी वितरण गरेको छ ।
न्युन आय स्तर भएका लक्षित वर्गका कृषकहरुको आयआर्जनमा बृद्धि गरी समुन्नत पालीका निर्माण गर्न प्रत्येक वडा बाट ५ जना गरेर ९ जना कृषकहरुलाई १८ वटा बंगुरका पाठापाठी, २१ जना कृषकहरुलाई २१ वटा बाख्रा वितरण गरिएको पशु शाखा प्रमुख बसन्त रावतले जानकारी दिनुभयो ।
कार्यक्रम गाउपालिका अध्यक्ष खिम बहादुर रावत, उपाध्यक्ष सिता खड्का पुन, ४ नं वडा अध्यक्ष छविराज शर्मा, २ नं वडा अध्यक्ष हस्त बहादुर राम्जाको उपस्थितिमा सम्पन्न भएको हो ।
वितरण गरिएका पाठापाठीको बीमा गरिएको छ भने हरेक बर्ष अनुगमन पनि गरिने गाउँपालिकाले जनाएको छ ।
प्रतिकृया दिनुहोस्