बागलुङ गाडी दुर्घटनामा पुथाउत्तरगंगा गाउँपालिकाकि उपाध्यक्ष भुपेन्द्रा बुढासहित तीन जनाको मृत्यु

नयाँ दृष्टि
२०८१ भाद्र २८

२८ भदौ, काठमाडौं ।
बागलुङमा भएको गाडी दुर्घटनामा रुकुम पूर्वको पुथाउत्तरगंगा गाउँपालिकाकि उपाध्यक्ष भुपेन्द्रा बुढासहित तीन जनाको मृत्यु भएको छ ।

रा १ झ २०० नम्बरको सरकारी गाडी आज बिहान पौने ९ बजेतिर बागलुङको गलकोट नगरपालिका वडा नम्बर २ भुङखानीमा दुर्घटना भएको थियो ।
उक्त गाडीमा पुथाउत्तरगंगा गाउँपालिकाकि उपाध्यक्ष भुपेन्द्रा बुढा र केही कर्मचारीहरु सवार रहेका थिए ।
उक्त गाडीमा गाउँपालिकाका कर्मचारीहरु पनि थिए । कोको थिए भन्ने अझै खुल्न सकेको छैन ।
तर गाउँपालिका उपाध्यक्षको दुर्घटनास्थलमा आईडी कार्ड भेटिएको हुदा उनको मृत्यु भएको पुष्टि भएको हो।
अरुको भने सनाखत हुन बाँकी रहेको छ।