हिजो अहिलेसम्मकै उच्च रहेको सुनको भाउ आज तोलामा दुई हजार तीनसय रुपैयाँले घट्यो

नयाँ दृष्टि
२०८१ श्रावण २२

काठमाण्डौं, २२ श्रावन ।

हिजो अहिलेसम्मकै उच्च भएको सुनको भाउ आज घटेको छ । सुनको भाउ आज एकै दिन तोलामा दुई हजार तीन सय रुपैयाँ घटेको हो । हिजो सुनको भाउ अहिलेसम्मकै उच्च तोलाको एक लाख ५० हजार रुपैयाँ पुगेको थियो ।

आज भने एकै दिन दुई हजार तीन सय रुपैयाँले घटेर तोलाको एक लाख ४७ हजार सात सय रुपैयाँ कायम भएको नेपाल सुनचाँदी व्यवसायी महासङ्घले जनाएको छ । त्यस्तै आज चाँदीको भाउ पनि घटेको छ । चाँदी ६० रुपैयाँले घटेर तोलको एक हजार सात सय २५ रुपैयाँमा कारोबार भइरहेको महासङ्घले जनाएको छ ।।