सल्यानमा हिजोदेखी हराएका दुई बालबालिका फेला

नयाँ दृष्टि
२०८१ श्रावण २२

सल्यान श्रावण २२ ।

सल्यानमा हिजो देखि हराई रहेका दुई बालबालिका फेला परेका छन् ।
हिजो देखि हराई रहेका जिल्लाको सिद्ध कुमाख गाउँपालिका ४ सौडोटाका ९ वर्षीय प्रेम चलाउने र ७ वर्षीया रितु चलाउने आज फेला परेका हुन ।

घरबाट जनता कालिका आधारभुत विद्यालयमा टिटालीमा पढ्न लागि गएकोमा बेलुकासम्म घर नआएपछि परिवारले खोजतलासका लागि प्रहरीमा खबर गरेका थिए ।
खोजतलास गर्ने क्रममा शारदा नगरपालिका ६ घट्टेखाला सडक छेउमा हिडि रहेको अवस्थामा फेला परेको जिल्ला प्रहरी कार्यालय सल्यानले जानकारी दिएको छ ।

फेला परेका बालबालिकाहरुको स्वास्थ्य परीक्षण गराउँदा सामान्य रहेको र ती दुई बालबालिका नाताले दाजु बहिनीलाई परिवार जिम्मा लगाइएको जिल्ला प्रहरी कार्यालय सल्यानका सूचना अधिकारी रेशम बहादुर खत्रीले जानकारी दिनु भएको छ।